Muling nagbahagi ng video si Mang Jun sa aming pahina.

Matatandaan na si Mang Jun ay hindi nakasama sa mga beneficiaries ng SAP ng DSWD nitong unang payout.

Si Mang Jun ay isang clown at magician, ngunit dahil nga sa ipinatupad ng community quarantine sa lungsod ng SJDM ay hindi na nakapaghanap-buhay.

Pamisan-minsan ay ngangangahoy na lamang si Mang Jun sa kanilang lugar upang may magamit na pang-luto.

Aniya, “wala na ngang MGAS, wala pang pagkain.”

Madalas din daw ay lugaw lang o tubig lang ang kanilang kinakain sa bundok na parte ng Brgy. Citrus.

Gayunpaman ay positibo pa rin ang pananaw ni Mang Jun na matatapos din ang dinaranas natin na krisis.